Pimples Kaise Khatam Kare (Hataye, Mitaye, Dur Kare)

Pimple hona toh aaj-kal jaise aam baat ho gayi hai, ye aam baat isliye hai kyunki aaj-kal ke time me humara Lifestyle hi aisa ho gaya hai ki humare paas time hi nahi hota hai apni skin par dhyan dene ke liye. Hum jaldi jaldi kaam karte hai. Skin ka toh khayal rakhte nahi hai, upar se faltu products use karte hai jinse humari skin damage ho jaati hai uske baad pimple ka samna karna padta hai. Oily Skin walon ko pimple ka samna jyada karna padta hai. Pimple sirf kishor (teenagers) ki pareshani nahi hai, aaj-kal ye har kisi ko hote hai, isse koi fark nahi padta ki aap kis umar ke hai.

Aaj-kal ki stress bhari life aur khan-peen ke karan pimple ho jate hai aur jaane ka naam hi nahi lete. Aapko sabse pehle apna lifestyle change karne ki jarurat hai, uske baad aapko khan-peen theek karna hoga. Agar aapko pimple hai toh oily food se dur rahe aur taza Phal (fruits), Sabziyon (Veggies) ko apne aahaar me shamil karke uske baad koi Gharelu Upaye kare, kyuki hamesha ke liye pimple se chutkara pana hai toh aapko andar se thik hona hoga na ki kewal bahar se. Jab tak andar se sab kuch saaf nahi hoga tab tak jitni marji mehnat kar lo uska koi khaas fayda nahi hoga.

Pimples Ka ilaj (Upchar – Treatment)

To agar aap kisi bhi keemat par apne Pimples se chutkara paana chahte hai to bahut acchi baat hai. Chaliye ab jante hai – Pimples Ko Hatane Ke Tarike jo chun-chun kar aapke chehre se Pimple nikal denge aur fir kabhi vapis bhi nahi aane denge..

Tulsi

Tulsi Pimple Kaise Hataye - Step-by-Step Tips for Best Results

Pimples ko dur karne ke liye Tulsi sabse acchi dawa hai, tulsi se bahut jaldi pimple saaf ho jate hai. Tulsi ki kuch taza patiya (leafs-पत्तियाँ) le kar unka paste bana lein aur apne pimple par laga lein, 15-20 minute baad usko wash kar lein. Agar aapko tazi patiya nahi milti hai to sukhi patio me garam pani mila kar uska paste bana lein, aur fir apne face par lagaye. 4-5 hafte tak aisa kare aapke pimple ki problem dur ho jayegi.

Lemon

Lemon Pimple Kaise Hataye - Step-by-Step Tips for Best Results

Nimbu ek aisi cheez hai jo pimple toh dur karta hi hai sath hi sath pimple hone ke karan jo daag padh jaate hai usko bhi nikal deta hai. Nimbu ke ras me shehad (honey) daal kar milaye aur 15-20 minute ke liye apne pimple par laga kar rakhe, ye aapke pimple ko aaram denge aur pimple ke nishan (redness) ko bhi dur kar denge.

Aap nimbu ke ras me gulab jal mila kar ek mixture taiyar kare aur aadha ghanta apne face par laga lein uske baad chehra thande pani se dho lein, isse aapka face bahut saaf ho jayega. Aap is upaye ko kam se kam 2 hafte tak kare.

Neem

Neem Pimple Kaise Hataye - Step-by-Step Tips for Best Results

Neem se acha toh aur kuch ho hi nahi sakta haim ye Jeevan Anurodh (antibacterial) bhi hai aur Antiseptic bhi hai jo aapke pimple ke kitanu ko mar deta hai aur pimple ko jad se khatam kar deta hai. Aap neem ki kuch patiyan lein aur unka paste bana lein aur apne pimple par lagaye, ye 1-2 din me hi aapko aaram denge aap neem ka paste 2 hafte tak lagaye aapko packa aaram milega.

Chameli ka Tel (Jasmine Oil)

jasmine oil Pimple Kaise Hataye - Step-by-Step Tips for Best Results

Chameli ke Tel me suhaga milakar paste bana lein aur raat ko sote time apne face par laga lein aur 15-20 min massage kare, shubh thande paani se wash kare. Aapke daag aur pimple dono hi chale jayenge.

Aloe Vera

Aloe Vera se Pimple Kaise Hataye Step-by-Step Tips for Best Results

Aloe-Vera ka guda (gel) nikal kar apne pimple ki jagah par lagaye aur sukhne ke baad dho lein. Ye aapke pimples ko sukha dega aur kuch hi time me gayab kar dega, Aloe vera ka guda kam se kam rozana 2 hafte tak lagaye. Aloe Vera Chehre Se Daag Dhabe Hatane Me Bhi Bahut Helpful Hota Hai.

Pudina (Mint)

Pudina Pimple Kaise Hataye - Step-by-Step Tips for Best Results

Jab aapke pimple hote hai toh usme jalan, laali (redness) ho jati hai jo bahut pareshan karti hai, aapko pimple ke time par jyada garam cheeze nahi khani chahiye, isliye aap kuch pudine ki patiya lein aur unka paste bana lein jaha jaha pimple hai waha pudine ka paste raat ko laga kar so jaye aur subah thande paani se wash kar lein. Ye aapki jalan or lalee ko kam karega sath hi sath aapke pimple ko din prati din kam karta jayega, koshish kare jab tak pimple hai tab tak aap is upaye ko kare.

Dalchini (Cinnamon)

Cinnamon Pimple Kaise Hataye - Step-by-Step Tips for Best Results

Dalchini ko thoda bhoon lein aur usko pees kar Powder bana lein uske baad isme shehad (honey) mila kar iska paste bana lein. Is paste ko apne pimple par 15-20 min tak laga lein 5-6 hafto tak aisa kare aapke pimple kam hone lag jayenge. Aapko 10-15 din me asar nazar aane lag jaiga.

Kapoor (Camphor)

kapoor Pimple Kaise Hataye - Step-by-Step Tips for Best Results

Kapoor ek thanda samagree hai jisse aapke pimple thande ho kar  theek ho jayegi. Aap kapoor me nariyal ke tel (coconut oil) mila kar apne pimple par lagaye aur 15-20 min ke baad wash kar lein ye upaye bahut hi jayada prabhavshali hai.

Steaming Kare (भाप लें)

Steaming Pimple Kaise Hataye - Step-by-Step Tips for Best Results

Humari skin 3 paraten (3 layers) hoti hai ye baat kuch logon ko hi pata hoti hai, pimple kafi andar tak hote hai isliye asani se nahi nikalte. Jab hum Steam lete hai tab pimple dheele (loose) hona shuru ho jaate hai, aur asani se nikal jate hai isliye kam se kam hafte me 3 baar Steaming kare jisse aapki skin clear aur khubsurat ho jaaye.

Pimples Kaise Khatam Kare (Additional Tips)

Pimple Kaise Hataye Step-by-Step Tips for Best Results

  • Apne gande hath bar bar face par na lagaye.
  • Bahar se aane ke baad chehra zarur dho lein, taki koi mitti ya pollution na rahe aapke face par jisse pimple ho.
  • Pimples ko kabhi bhi fodna nahi chahiye, agar aap aisa karte hai toh aapke pimple se nikala pani aap ke face par lagega aur aap kabhi pimple se chutkara nahi paa sakoge.
  • Pure din me kam se kam 8-10 glass pani jarur piye. Jisse aapki skin hydrated rahe.
  • Face par Chemical products ka use na kare.
  • Alag-alag product use karne se pimple ho sakte hai.
  • Hormone changes bhi ek karan hai pimple hone ka. Inki wajah se Blackheads bhi hote hai.
  • Junk food se pimple hote hai isliye inhe avoid kare.
  • Saaf towel kare use.
  • Apne face par dust ko ikatha na hone de.

Blood Circulation Theek Hona Behad Jaruri Hai

Regular Exercise, Yoga, meditation me se kuch jarur karein, because Blood Circulation theek na hone ki vajah se bhi face par Blackheads, Pimples aur Jhurriyan (झुर्रियां) ho jaati hai. Ye base point hai, agar blood circulation sahi nahi hoga to Body properly theek se kaam kar hi nahi sakti aur aisi problems honi hi hongi. Agar kisi ke Baal jhadte hai to iske piche bhi Blood Circulation responsible ho sakta hai, yha dekhein – Baal Jhadne Rokne Ke Upaye (Upchar).

16 comments

    • Shivshi says:

      aap rozana sone se pehle lemon juice ko coconut oil mein mila ker lagaye or subha apna face wash ker lein isse aapke dag khatam ho jaige,or ap ice cube se massage bhi ker sakte hai.

  1. sahista krnjia says:

    hi,mere chehre pe bht date chhote chhote Dane nikal jate h or kvi bde v hojate h or mera skin dry v or oily v h so plz ap ek jaldi SE acchi wali tips btae

Leave a Reply