Baal Jhadne Rokne Ke Upaye (Upchar)

Baal (hairs) aapki khubsurti ko badhate hai, har kisi ko lambe aur ghane baal rakhne ka shauk hota hai aur ye shauk ladies me jyada paaya jaata hai. Par aapko apne baalon ki asli value tab samajh aati hai jab aapke lambe ghane baal jhadne shuru ho jate hai. Baalon ke jhadne ke sath sath aapki khubsurti me kami aane lagti hai aur confidence bhi kaam hone lagta hai. Baalo ka ghana hona ya jhadna dono hi mainly aapke Diet par depend hota hai na ki Shampoo, Hair Mask ya Spa etc par.

Jaisi aapki Diet hogi waise aapke baal honge, depend aap par karta hai ki aap rich diet lete hai ya poor. Baal jhadne ke aur bhi kyi karan ho sakte hai, jaise Stress, Adhuri Neend, Galat Products ka Istemal, Hormone Change hona etc.

Baalon ka jhadna sirf mahilao (ladies) ki samasya hi nahi hai ab ye yuvao ki bhi samasya ho gayi hai. Baalon ke jhadne ka ek mukhya karan Vitamin D ki kami hona bhi hai. Baalo ko jhadne se rokna hai toh aapko Vitamin D ki kami ko khatam karna hoga.

Baal Jhadne Rokne Ke Upay

Chaliye ab jante hai Baal Jhadne Rokne Ke Ghalelu Upay (Nuskhe). Jinki help se aap apne baalon ko jhadne se rok bhi payenge aur Lambe-Ghane Baal bhi paa sakenge..

Balance DIET

Balance Diet Baal Jhadna Kaise Roke Hair Fall Treatment Tips

Jaisa ki humne pahle bhi kha – Jaisi Aap Diet Lenge Waise Hi Aapke Baal Honge aur baalon ki khubsurti ke liye Protein aur Vitamin D bharpur matra me lena bahut zaruri hai. Aap apni Diet maintain kare, jaise subah uthe hi aap Ankurit Anaj le, Moong, Doodh aur Soyabeans lena chahiye. Lunch mein daal ko patla banane ki jagah dal ko gadha banana chahiye. Snacks mein fast food ki jagah, Bhuni huyi Mungfali (peanuts) ya Chana khana chahiye. Roti banane ke liye gehu ke aate me ¼ hissa soyabean ka aata milakar roti banane se behatreen fayda milta hai. Isse aapke baalo ka jhadna kaam ho jayega. Baalon ke ghana aur majboot hone ke liye Protein, Vitamin A, Vitamin B Complex, Vitamin C, Vitamin E aur Iron ki bahut zarurat hai.

Aloe Vera

Aloe vera Baal Jhadna Kaise Roke Hair Fall Treatment Tips

Aloe Vera waise toh bahut si cheezon ke liye use kiya jata hai, unhi bahut si cheezon me se ek hai, Baalon ke Treatment. Aloe Vera istemal Hair Fall rokne ke liye bhi kiya jaata hai, isse baalo ka tootna bahut jaldi kam ho jaata hai. Aap roz raat ko Aloe Vera gel se massage kariye aur so jaaye, subah uth kar wash kar lein. Ye aapke baalon ko majboot karega aur baalon me shine (chamak) bhi aayegi.

Aap, Aloe Vera ka istemal Face Se Daag Dhabe Hatane Ke Liye bhi kar sakte hai.

Tel ki Malish

Tel ki malish Baal Jhadna Kaise Roke Hair Fall Treatment Tips

Aaj-kal ke zamane me time ki bahut kami hai har koi jaldi jaldi kaam karne me laga hua hai, bahut kam log hi apni sehat par dhyan de rahe hai. Aapke baalon ko tel ki bahut zarurat hoti hai, jitna aap apne baalon me chemical products ka use karte hai utna hi aapko apne baalo me tel ki malish karni chahiye. Aap tel ki malish karne ke liye Coconut Oil, Almond Oil ya Olive Oil ka use kare. Ye aapke baalon ko mazboot karega aur sunder bhi banayega.

Mehandi (Henna)

Mehndi (henna) se Baal Jhadna Kaise Roke Hair Fall Treatment Tips

Mehandi aapke baalon ke liye bahut achi hoti hai, aapke baal tabhi toot-te hai jab aapke baalo ko sahi poshan nahi milta aur Mehandi se aapke baal ache ho jaate hai, poshit ho jate hai. Aap apne baalon me month me ek baar mehndi ka istemal kare, aapke baalon ka tootna band ho jayegi.

  • Aap Mehndi Powder ko ek bowl mein nikale aur usme pani dal kar ek gadha paste bana lein aur raat bhar usko aise hi rahne de, subah mehndi me ek Egg, Coffee, Methi Ke Dane pees kar mila lein aur apne baalon par lagaye.
  • Niche di gayi cheeze..
    • Egg
    • Henna powder (2 cup)
    • Amla Powder (1/2 cup)
    • Shikakai Powder (2 spoon)
    • Egg white (1)
    • Lemon juice (2 spoon)
    • Tulsi Powder (1 spoon)
    • Bring Raj Powder (1 spoon)
  • In sabko mila lein aur apne baalo par lagaye, jab heena sukh jaye toh wash kar lein, isse aapke baal lambe aur khubsurat toh hoge hi saath me mazboot bhi.

Egg Mask

Egg se Baal Jhadna Kaise Roke Hair Fall Treatment Tips

Wash karne se pehle Baalon me egg lagane se baal mazboot hote hai, ye baalon ka tootna bhi kaam karta hai, aur yeh aapko baalo ki khubsurti ko bhi badhata hai. Egg se aapke baalon ko pura protein milta hai aur aapke damage hair repair ho jate hai. Aap egg me Olive Oil ya Honey bhi mila sakte hai. Ye bhi aap ke baalon ko ache se condition karte hai.

Blood Circulation  

Blood circulation se bache aur apne baalo ka Jhadna Kaise Roke Hair Fall Treatment Tips

Baalon ke tootne ka karan blood circulation theek se na hona bhi ho sakta hai, isliye aapko rojana exercise karni chahiye taki aapki body theek rahe aur blood circulation bhi hamesha acha rahe. Aapki khubsurti bhi kam nahi hogi. Blood circulation theek karne ke liye aapko Halki Running, Skipping aur Yoga karni chahiye, ye sabhi aapke liye bahut labhdayak hote hai.

Kuch Cheezein Jo Blood Circulation Ko Sahi Karti Hai (inka istemal jyada karein)..

  1. Oranges
  2. Dark Chocolate
  3. Cayenne Pepper (Laal Mirch)
  4. Sunflower seeds (Suraj Mukhi Ke Beej)
  5. Root Ginger (Adarak Ki Jad)
  6. Garlic (Lahsun)

Curd

curd se Jhadna Kaise Roke Hair Fall Treatment Tips

Curd (Dahi) aapke baalon ke liye bahut acha hota hai, ye aapke baalon mein vitamin D ki kami ko pura karta hai aur rusi ko bhi khatam kar deta hai, sath hi sath baalon ko shine bhi deta hai aur mazboot bhi banata hai. Hafte me ek baar aapko dahi se massage karni chahiye hai. Dahi me aap besan mila kar paste bana kar bhi laga sakte hai, kam se kam half an hours laga kar rakhe aur wash kar lein. Curd, Fenugreek Powder, Onion juice ko sath me mila kar half an hour laga ke wash kar lein, aapke baal strong ho jayenge to apne aap tootne band ho jayenge.

Onions

onions se Jhadna Kaise Roke Hair Fall Treatment Tips

Pyaaj aapke baalo ke liye bahut acha hota hai, ye aapke baalon ki growth ko tezi se badhata hai aur aapke blood circulation ko bhi sahi rakhta hai jisse aapke baal mazboot hote hai. Onion se aapko dandruff ki shikayat bhi nahi hoti hai aur yeh aapke growing cells ko bhi active rakhta hai.

  • Onion ke ras ko nikale aur apni scalp par massage kare, raat bhar isse aise hi chod fir subah apne baal wash kar lein.
  • Honey and Onion ke ras ko sath me mila kar lagayen aur 15 min tak massage kare ir dho lein.
  • Onion ka ras aur Dahi ko sath me mila kar rozana ya hafte me ek bar massage kare aur 20-35 min tak rakhe baad me wash kar lein, isse aapke baal girne kam ho jayenge.

Fish

fish se Jhadna Kaise Roke Hair Fall Treatment Tips

Fish sabse best hai aapke protein ki matra ko badhane ke liye, isliye aap apni diet me fish ko add kare (if posible). Fish se aapki body me Protein ki matra jayada hoti aur is karan aapke baal sundar hote hai aur jhadne kam ho jaate hai. Aap fish oil ka bhi istemal kar sakte hai apne baalon ko jhadne se rokne ke liye.

Baal Jhadne Ke Karan

Upar aapko ye to acchi tarah pata chal gaya ki – Hair Fall Kaise Roke, lekin agar aap ye bhi acchi tarah samajh jaaye ki Baal Kyu Girte Hai ya Jhadte Hai tab aur bhi acha hoga. Kahte hai na – Prevention is Better than Cure (रोकथाम इलाज से बेहतर है).

Baalo ke jhadne ka karan jane aur Roke Hair Fall Tips

  • Baalon Ke Girne Ke Karan yeh hai ki aap stress bahut lete hai, aur apne khan-peen ka khayal theek se nahi rakhte hai. Isliye ab aisi bhool na karein.
  • Hormonal changes hone se bhi Hair fall hota hai.
  • Allergy ya Infection ki vajah se bhi Baal Jhadte hai, yadi aapko aisi koi problem hai to ilaaj jarur karwaye.
  • Body me Nutrition ki kami ki wajah se bhi baal girte hai.
  • Kisi dawa (medicine) ke side effect se bhi baal girte hai.
  • Apne baalon par galat product use karna bhi baal girne ka karan ho sakta hai. Isse bache.
  • Mausam bhi karan ho sakta hai aapke baal tootne ka.
  • Apne baalon ko saaf na rakhne se bhi aapke baal jhad sakte hai.
  • Paani ki kami se bhi aapke baal jhad sakte hai.
  • Baalon me rusi na hone de, is wajah se bhi baal tootne lagte hai.
  • Baalon me juyen (जुएं) na padne de, is vajah se bhi hair fall ho sakta hai.

Ye hai Baal Jhadne Ke Reasons. Pahle to aap kosish karein ki ye vajah paida hi na ho ki aapke baal gire, aur yadi kisi karan ki vajah se Baal Girne bhi lage to upar diye gaye – Balo Ke Girne Ka ilaj (in Hindi) dhyan se samjh kar Gharelu Upaye kare, aapki samasya dur ho jayegi.

Leave a Reply